मोफशलका नियिष के.सी आफ्नो क्यारियरका लागी संघर्षरत

May 29, 2019   Filed under Report Update

दाङ्ग, लमही स्थाई घर भएका नियिष के.सी नेपाली मोडलिंग क्षेत्रमा लामो फड्को मार्ने उद्देश्य सहित लागी परेका छन् ।
२०५२ सालमा जन्मेका नियिष हाल राजधानीमा आयोजना हुने प्राय सबै खालका मोडलिंड कार्यक्रमहरुमा सहभागी हुदै आइरहेका छन् । गोरो बर्षणका उनी कुनै चलचित्रका नायक भन्दा कम छैनन् । यहाँ प्रतिभाको भन्दा पनी चाकडीको आबस्यकता पर्दो रहेछ जुन कला आफू संग छैन भन्छन् ।

आफ्नो पिता-माता र परिबारका सदस्यलाई आदर्श मान्ने उनलाई यो क्षेत्रमा आउन उनको पिता-माताको हौसला र साथ रहेको बताउछन् । अभिभावकको साथ नभएत कसरी टिक्न सक्नु ? खर्च पुर्याउनै पर्यो । उनी प्रतिप्रश्न गर्छन् ।

राजधानीमा आयोजित एक फेशन कार्यक्रममा पंक्तिकार संग भेट्दा उनी निकै उत्साहित देखिन्थे । यूवा पिढी रोजगारीको निम्ति बिदेशीन परि रहेको अबस्थामा आफू भने यही नेपालमा नै कुनै न कुनै तरिकाले जिविकोपार्जन गर्ने सोचमा रहेको उनी बताउछन् । छोटो कुराकानीका क्रममा उनले आफू दत्त चित्त भएर नेपाली फेशन-मोडलिंग क्षेत्रमा लाग्ने बतएका छन् ।

केन्द्र भन्दा बाहिर फेसन-मोडलिंग क्षेत्र अलिक फस्टाउन सकेको छैन । झन आफू जस्ता मोफसलका यूवाहरु त चाहना हुँदा हुँदै पनी गुम्सिएर बस्न परेको बताउछन् । जिल्लामा फेशन-मोडलिंग सम्बन्धी कार्यक्रम तुलनात्मक कम हुने गरेको उनी बताउछन् । कार्यक्रम आयोजकहरु पनी पर्यटकिय शहरमा मात्र कार्यक्रम सिमित राख्दछन् । तर फेसन-र्याम्प अनी मोडलिंग क्षेत्रलाई चाहिने हाइट-बडी-लुक्स जिल्लाका युवाहरुमा पनी हुन्छ भन्ने आयोजकले बिर्सने बताउछन् ।

अहिले काठमाण्डौमा आयोजना हुने फेसन सम्बन्धी कार्यक्रमहरुमा मोडेल नियिष के.सी. को सहभागीता बाक्लिएको छ । उनी भन्छन् आयोजकहरुले संम्पर्क गर्न थाल्नु भएको छ । म मेरो पेशालाई सम्मान गर्छु । दत्त-चित्त दिएर काम पनी गर्छु । मिहेनत गर्ने हो सफल असफल बनाउने त भगवान् को हात ! संघर्ष नै जिवनहो भन्ने आफूले बुझेको बताउदै उनी थप्छन् सिक्दै छु आफूलाई परिस्कृत गर्दै लाने हो । भविष्यमा आफ्नो टार्गेट भनेको सिनेमा हो भन्छन् । काठमाण्डौ आए पछि दुई दर्जन भन्दा बढी फेशन कार्यक्रममा सहभागी भएका उनको चाहना आफै पनी फेसन कार्यक्रम आयोजना गर्ने रहेको छ । मोफसलमा आयोजना गरेर स्थानिय चाहना भएका युवाहरुलाई राष्ट्र अनि अन्तराष्ट्रिय स्तरमा चर्चित बनाउने उनको चाहना छ । आफू भित्र जस्तो चाहना छ त्यस्तै मोफसलका यूवाहरुमा पनी छ र त्यसलाई पुरा गर्नु पनी आफ्नो उद्देश्य रहेको उनी बताउछन् ।


स्टेज शो र -याम्प मा सहभागीता बाहेक मोडेल के.सी ले म्यूजिक भिडियोमा पनी काम गरेका छन् । गायिका रुपा बिष्टको गीतको भिडियोमा उनले अभिनय गरेका छन् । परिपक्व हुन अनुभव नभाई हुन्न भन्ने सोच राखेका उनले मौका आएको समयमा जसरी पनी सहभागीता जनाउने गरेको बताउछन् । हाल काठमाण्डौमा नै रहेर फेसन क्षेत्रमा संघर्षरत मोडेल नियिषको के.सी को आगामी दिन सफल रहोस् । #शुभकामना !!